ANAMA keçən həftə işğaldan azad edilmiş ərazilərdə 27 ədəd mina zərərsizləşdirib.
Azərbaycan Minatəmizləmə Agentliyi (ANAMA) tərəfindən işğaldan azad edilmiş ərazilərin mina və partlamamış hərbi sursatlardan (PHS) təmizlənməsi əməliyyatları davam edir.
Minatəmizləmə Agentliyindən “Alp Xəbər”ə verilən məlumata görə, təmizləmə əməliyyatları Ağdam, Füzuli, Zəngilan, Qubadlı, Tərtər, Cəbrayıl rayonları və Şuşa şəhəri ərazisində aparılır.
2021-ci il dekabrın 20-dən 25-nə qədər aparılan minatəmizləmə əməliyyatları zamanı 969 550 m2 (97 ha) ərazi yoxlanılıb, 2 ədəd piyada və 25 ədəd tank əleyhinə mina, 112 ədəd PHS aşkar olunaraq zərərsizləşdirilib.
