image-ads_2000x150
image-1653638122156187519629083ea5f9b0backend

Putin Başqırdıstan könüllülərini Ukraynada döyüşə göndərir 

image-ads_728x90

Başqırdıstanda Rusiyanın Ukraynada başlatdığı xüsusi hərbi əməliyyatlar fonunda Rusiya ordusuna kömək etmək məqsədilə batalyona qoşulmaq üçün könüllülərə müraciət edilib.

Alp.az xəbər verir ki, bu barədə “Kommersant”yazıb.

Rusiya Müdafiə Nazirliyi hələ ki, ictimaiyyətin təşəbbüsü ilə razılaşmayıb. Qurumun sədri Alik Kamaletdinovun sözlərinə görə, artıq 109 nəfər müqavilə bağlayıb və batalyona könüllü qoşulmaq arzusunu bildirib.

Başqırdıstanlı politoloq Abbas Qallyamov isə ictimai fəalların təklifinin hakimiyyətin dəstəyi ilə ortaya çıxdığını istisna etmir.

“Başqırdıstan Respublikası Dəniz Qoşunları və Hərbi Dəniz Qüvvələrinin Xüsusi Təyinatlı Qüvvələrinin veteranları” regional ictimai təşkilatının sədri Alik Kamaletdinov “Ukraynada nasizmi məhv etmək” üçün könüllü başqırd batalyonunun yaradıldığını elan edib.

O, Rusiya Prezidenti Vladimir Putini “sözdə deyil, əməldə” dəstəkləməyə çağırıb. Batalyona general Miniqali Şaymuratovun adının verilməsi planlaşdırılır.

“Bunun üçün Rusiya Müdafiə Nazirliyi və Başqırdıstan hökumətinin razılığını almaq lazımdır, müraciətlərə cavablar hələ alınmayıb”, – Kamaletdinov bildirib.

“Başqırdıstan hər zaman çətin günlərdə dövlətimizin dayağı olub. Biz 1812-ci ildə Napoleonu məğlub etdik, Birinci Dünya müharibəsində rəşadətlə vuruşduq, Böyük Vətən müharibəsində ölkəni müdafiə etdik. Bizim əfsanəvi 112-ci qvardiya süvari diviziyamız Stalinqrad yaxınlığında və Donda, Luqansk və Berlində faşistləri darmadağın etdik. Vətənə 78 Sovet İttifaqı Qəhrəmanı və “Şöhrət” ordeninin 5 sahibini gətirdik”, – Alik Kamaletdinov “VKontakte” səhifəsində yazıb.

Onun sözlərinə görə, müqavilə əsasında hərbi xidmətə daxil olan könüllülər 220 min rubldan (təxminən 5 min 841 AZN) 250 min rubla (təxminən 6 min 637 AZN) qədər pul almaq hüququna malikdirlər. “Hər gün apardıqları döyüş əməliyyatlarına görə isə 8 min rubl (təxminən 212 AZN) alacaqlar. Əsgər həlak olarsa, onun ailəsinə 12,4 milyon rubl (təxminən 400 min AZN-dan çox), xəsarət aldıqda isə 3 milyon rubl (təxminən79 min AZN) birdəfəlik müavinət ödəniləcək”, – deyə Kamaletdinov bildirib.

O həmçinin vurğulayıb ki, namizədlərin yaşı 50-dən aşağı olmalı, tibbi əks göstərişləri olmamalıdır və əvvəllər həbsdə olmadıqları da şərtdir. Kamaletdinov izah edib ki, yalnız hərbi xidmətdə olmuş vətəndaşlar könüllü batalyona cəlb oluna biləcəklər.

Dünən o, “Kommersant-Ufa”ya bildirib ki, onun təklifinə respublikanın 109 sakini cavab verib. Onlar yaşadıqları yer üzrə hərbi komissarlıqlara göndəriliblər və tibbi müayinədən keçirilirlər. “Çox şadam ki, bu qədər insan mənim çağırışımı dəstəklədi. Mən həmyerlilərimlə fəxr edirəm”, – deyə Alik Kamaletdinov bildirib. Batalyonun formalaşması təsdiqlənərsə, o, Çeçenistandakı hərbi əməliyyatların veteranı olduğu üçün özü də ona rəhbərlik etməyə hazır olduğunu qeyd edib.

Alik Kamaletdinov kommersiya strukturlarının texnikanın alınması üçün batalyona sponsorluq etməyə hazır olduğunu da deyib, lakin adlarını açıqlamayıb. Onun sözlərinə görə, taborun döyüşçüləri üçün ayrıca texnikanın yaradılması planlaşdırılır.

Bildirək ki, “İdel.Realii”nin (media xarici agent kimi tanınır) məlumatına görə, mayın 20-də Ukraynada keçirilən xüsusi əməliyyat zamanı Başqırdıstandan olan 70 hərbçinin öldürüldüyü barədə rəsmi məlumat verilib.

Həmçinin qeyd edək ki, “Aleksandr Nevski” Pravoslav Hərbi-Vətənpərvərlik Birliyi gənclərin vətənpərvərlik tərbiyəsi üzrə regional ictimai təşkilatının sədri Viktor İvanov “İkinci Dünya müharibəsinin köhnə ənənələrini qoruyan təşəbbüsü dəstəkləyib:”O zaman bizdə Miniqali Şaymuratovun rəhbərlik etdiyi bölmə var idi . Batalyon indi Başqırdıstanı təmsil edəcəyi üçün onun hazırlığı ən yüksək səviyyədə olmalıdır. Bu, respublikamızın siması olacaq”, – İvanov qeyd edib.

Onu da vurğulayaq ki, “Rusiya Veteranları” Ümumrusiya İctimai Hərəkatının sədri İldar Rezyapov hesab edir ki, batalyon xüsusilə yüksək vətənpərvərlik və hərbi qardaşlıq hissi ilə seçiləcək: “Biz könüllüləri cəlb etmək üçün kadr və təşkilati məsələlərin həllini öz üzərimizə götürməyə hazırıq”, – deyə Rezyapov bildirib.

“Düşünürəm ki, regionlarda artıq Çeçenistan Respublikasının başçısı Ramzan Kadırovdan nümunə götürmək lazımdır. Kadırov artıq Ukraynaya tapşırıqları yerinə yetirmək üçün bir neçə könüllü dəstə göndərib”, – deyə Rezyapov əlavə edib.

Başqırdıstanlı politoloq Abbas Qallyamov isə hesab edir ki, ayrıca batalyonun yaradılması federal hökumətə sadiqliyini nümayiş etdirməyə çalışan respublika hakimiyyətinin təşəbbüsü ola bilər. “Başqırdıstan rəhbərinin zəiflədilməsi və hətta onun hakimiyyətdən gedəcəyi ilə bağlı çoxlu şayiələr var”, – deyə politoloq izah edib.

“Bununla belə, bunun birbaşa Moskvanın göstərişi olduğunu istisna etmək olmaz. Ola bilsin ki, kimlərsə, milli bölmələri “sındırmaq” qərarına gəlib”, – deyə Qallyamov vurğulayıb.Cebhe.info

image-ads_728x90

  • whatsapp
  • messenger
  • telegram
  • vkontakte
  • odnoklassniki