Azərbaycan və Ukrayndan sonra Polşa da Türkiyədə istehsal edilən pilotsuz uçan aparatlarını (PUA) almaq istəyir.
Bu barədə Türkiyə mətbuatı məlumat yayıb.
Qeyd olunur ki, Polşa Prezidenti Andjey Duda “Bayraktar TB2” almaq üçün gələn həftə Türkiyə səfər edəcək.
Belə ki, Polşa Prezidentinin bu addımı avropa mediasının diqqətini çəkib. Hərbi ekspert Lukas Visingrin sözlərinə görə, bu alış-verişlə Polşa sürpriz bir addım atdı.
Polşa Müdafiə naziri Mariusz Blasçak da sosial media hesabında bununla bağlı paylaşım edib: “Polşa bəlkə Türkiyədən dron alacaq”.
Rusiyanı əsas təhlükə hesab edən Polşa belə bir addım atır. Polşanın dron alması Türkiyənin silah supergücü rolunu təsdiqləyir. Gələcəkdə türk silahlarını alan dövlətlərin sayının artacağı gözlənilir.
Azərbaycan vətən müharibəsi dövründə “Bayraktar TB2”-dən düşmənin hava müdafiə sistemlərini və hərbi obyektlərinə zərbələr endirmək üçün istifadə edib.
