Azərbaycanda pensiyaların yenidən artırılması gözlənilir. Bu yaxınlarda Milli Məclisin iclasında çıxış edən əmək və əhalinini sosial müdafiə nazirinin müavini Anar Kərimov pensiyaların ödənilməsi üçün ayrılan vəsaitin 306 milyon manat artacağını söyləyib. Bu açıqlamadan sonra pensiya məsələsi yenidən gündəmə gəlib və artımların nə qədər olacağı müzakirə mövzusuna çevrilib.
Bəs, vətəndaşlar pensiya məbləğinin nə qədər olmasını arzulayır?
Modern.az mövzu ilə bağlı paytaxt sakinləri arasında videosoğru keçirib.
Respondentlərin əksəriyyəti pensiyaların artırılmasının vacib olduğunu söyləyiblər. Bəzi vətəndaşlar minimum pensiya məbləğinin 500-700 manat olmasını təklif edib. Hətta bu vəsaitin 1500 manata çatdırılmasını istəyənlər də olub.
Sorğu iştirakçılarının cavablarını daha ətraflı təqdim etdiyimiz videodan izləyə bilərsiniz:
