“Ermənistan tamamilə təcrid vəziyyətinə düşüb. Bunu Rusiyanın Bakıya səfərdə olan xarici işlər naziri Sergey Lavrovun çıxışından da hiss etmək olardı. Lavrov Bakıya səfəri zamanı Rusiyanın maraqları naminə Ermənistanı satdı”.
Alp.az xəbər verir ki, bunu jurnalistlərə açıqlamasında erməni hərbi ekspert Davit Camalyan deyib.
Onun sözlərinə görə, rəsmi İrəvan Sergey Lavrovun Ermənistana səfəri çərçivəsində istəklərini yerinə yetirmədi və cəzasını ağır alacaq.
“Ermənistanın baş naziri Nikol Paşinyan qərbə yönəlməklə hakimiyyətini möhkəmləndirmək istəyir. Artıq Paşinyan komandası üçün Qarabağ yoxdur və Zəngəzuru da verməyə razıdırlar. Onlar Zəngəzur dəhlizini açmaqla Ermənistanını iqtisadi böhrandan qurtarmaq istəyirlər. Amma anlamırlar ki, Rusiya Nikol Paşinyan hökumətini bağışlamayacaq. İlk olaraq Sergey Lavrov Bakıda öz maraqları naminə Ermənistanı satdı. Tezliklə yeni müharibə başlayacaq. Çünki Ermənistan Rusiyaya xəyanət edib və bunun cəzasını almalıdır. Hesab edirəm bu cəza çox ağır olacaq”, – deyə erməni hərbi ekspert vurğulayıb.
