“Yaxın vaxtlarda hökumətin tərkibində kadr dəyişikliklərinin olması mümkündür”.
Alp.az xəbər verir ki, bu barədə “Hraparak” qəzeti yazıb.
Erməni nəşri mövzunu belə davam etdirib:
“Xatırladaq ki, Vahan Xaçatryanın Ermənistan prezidenti vəzifəsinə seçilməsindən sonra yüksək texnologiyalar naziri postu boş qalıb:
Namizədliyini bütün mümkün və qeyri-mümkün üsullarla təbliğ edən keçmiş səhiyyə naziri, hazırda “Vətəndaş Müqaviləsi”nin deputatı olan Arsen Torosyan bu vəzifəyə təyin olunmaq üçün tükənməz istək nümayiş etdirib. Bundan başqa, Nikol Paşinyan kadr dəyişikliyi ilə öz kabinetinə yeni təkan vermək niyyətindədir.
Habelə fövqəladə hallar nazirinin dəyişməsi müzakirə olunur. Nazirin müavini Armen Papuxçyan məhz bu məqsədlə buraya təyin olunub. İndi, deyəsən, bu proqramın icrasının vaxtı çatıb.
Gündəlik qalmaqallarda görünən iqtisadiyyat naziri Vaan Kerobyanın gedişindən də danışırlar. Ötən həftə parlamentin deputatları Paşinyana Kerobyanın davranışından, onun hazırlıqsız vəziyyətindən şikayət ediblər. MTN-in direktoru Armen Abazyanın da vəzifəsi ilə vidalaşacağı istisna edilmir”.yenisabah
