“Paşinyanın hakimiyyətinin davam etməsi yeni müharibəyə bərabərdir”
“İndiki hakimiyyət qeyri-legitimdir, erməni xalqını təmsil etmir. Bu isə o deməkdir ki, nə vəd versələr də, hansı sənədə imza atsalar da, heç nə dəyişməyəcək”. Alp.az erməni mediasına istinadən bildirir ki, bu sözləri müxalif “Ermənistan” fraksiyasının deputat Aram Vardevanyan deyib.
“Beynəlxalq ictimaiyyət Ermənistandakı mövcud siyasi böhranı görür. Bu böhranın bir həlli var – Nikolsuz Ermənistan”, – deyə o bildirib.
Vardevanyanın sözlərinə görə, hakimiyyətin bütün yalanları üzə çıxacaq: “Çünki layiqli həyat vəd edən, lakin fəlakət və sosial-iqtisadi problemlər gətirən hakimiyyət getməlidir. Bu cür güc aradan qaldırılmalıdır. Səbirli olmalıyıq. Hökumət bu gün də xalqı aldatmaqda davam edir. Ölkəni müharibəyə sürükləyən qüvvə deyir ki, guya bu hərəkat müharibəyə gətirib çıxaracaq. Mən açıq şəkildə bildirirəm ki, Nikolun hakimiyyətinin davam etdirilməsi yeni müharibəyə bərabərdir. Yorulmadan sona qədər gedəcəyik”.ayna.az
