Ermənistanın Qarabağın (qondarma və keçmiş “dqr” nəzərdə tutulur – red.) “müstəqilliyi”ni tanıması ilə bağlı açıqlamalar təhlükəlidir və müharibə səbəbidir.
Alp.az xəbər verir ki, bunu Ermənistan Baş nazirinin vəzifəsini icra edən Nikol Paşinyan İctimai Televiziyanın efirində seçkilərlə bağlı keçirilən debatda deyib.
Paşinyan rəqiblərinin Ermənistan hökumətinin 44 günlük müharibə zamanı Qarabağın müstəqilliyini tanımaması ilə bağlı ittihamlarına cavab verib:
“Bizi inandırmağa çalışırlar ki, biz Qarabağın müstəqilliyini tanımalıydıq. Çox maraqlı vəziyyətdir. Mənim dediyim “artsax Ermənistandır” ifadəsi müharibəyə səbəb oldu. Amma indi həmin adamlar soruşur ki, niyə “arsax”ı tanımırıq. Onlara görə ki, əgər o cümlə müharibəyə gətirib çıxarmışdısa, “arsax”ın tanınması müharibəyə səbəb olmayacaqdı? İnanın Azərbaycan bizi çox çətin vəziyyətə salardı. Bu gün də tanınma məsələsini təkrarlamağa davam edirlər. Hesab edirəm ki, bu mövqe müharibəyə gətirib çıxaracaq”, – Paşinyan bildirib.
