Xocalı cəlladı, erməni mayor Pavel Manukyan erməni mediasına sensasion müsahibə verib. Alp.az xəbər verir ki, I Qarabağ müharibəsində xüsusi qəddarlığı ilə seçilən zabitlərdən biri olan Pavel Manukyan hazırda Ermənistanın uçurumdan aşağı yuvarlandığını deyib.
“Baş Nazir Nikol Paşinyan qarşısına keçən hər kəsi həbs etdirir. Müharibə istəyən hər kəs həbsxanaya göndərilir. Paşinyan Ermənistani iqtisadi inqilab edəcəyini vəd edir. Amma bu inqilab bütün vətənpərvərlərin həbs edilməsi ilə başlayıb. Nikol Paşinyan ermənilərə xidmət edirmi, onun qərarları onu göstərir ki, Paşinyan bir türk cəsusudur. Aşot Yerkatı, Boris Baxşiyan, Qaqik Cangiryan həbs edilib. İndi məni həbs etmək üçün hərəkətə keçiblər. Paşinyan hər şeyə gedir. Bir sözlə onu dayandıran olmasa Zəngəzur da əldən gedəcək.” -deyə Pavel Manukyan bildirib.
