“Gorus Qafan yolunda Azərbaycan tərəfindən qurulan polis müşahidə məntəqəsi haqda heç nə deyə bilmərəm. Ora Azərbaycana aiddir və postun orada qalıb -qalmayacağına rəsmi Bakı qərar verə bilər.”
Alp.az xəbər verir ki, bunu erməni mediasına açıqlamasında Ermənistan baş nazirinin müavini Suren Papikyan deyib.
Erməni nazir ölkəsinin İran üçün vacib tranzit ölkə olduğunu bildirib.
“Ermənistan İran üçün vacib tranzit ölkə olaraq qalmaqda davam edəcək. İrandan Ermənistana yük daşımaları dayanmayacaq. İran mallarını Ermənistana çatdırmaq üçün başqa yollar axtarırıq. Gorus Qafan yolundakı həmin ərazi isə Azərbaycana aiddir və postun orada qalıb -qalmayacağına rəsmi Bakı qərar verə bilər”, -deyə Papikyan qeyd edib.
