Son günlər cəbhə xəttində ermənilər mütamadi olaraq atəşkəsi pozur. Əsasən Kəlbəcər və Sədərək rayonları atəşə tutulur. Son iki gündə isə Ermənistan Silahlı Qüvvələri həm Gədəbəy, həm də Daşkəsəndəki mövqelərimizi atıcı silahlardan atəşə tutmaqla təxribat törədiblər. Alp.az xəbər verir ki, ermənilər daha çox Qarabağda təxribat törətməklə məşğuldürlar. Bunun müxtəlif səbəbləri var. Erməni silahlıları bir neçə gün öncə Şuşa şəhəri tərafında olan mövqelərimizi də atəşə tutdu.
Hərbi ekspert Ramil Məmmədli ermənilərin Qarabağda törətdiyi təxribatla bağlı fikirlərini əməkdaşımızla bölüşüb:
“Ermənilərin təxribatının arxasında hər zamankı kimi Rusiya var və Qərb var. Ermənilər məhz ağalarının himayəsi altında bu təxribatı törədirlər. Dövlət sərhəddi boyunca atəşkəsin pozulması da ermənilərin yox, ağalarının göstərişidir. Azərbaycan əsgəri tərəfindən bu təxribatın qarşısı alınır. Şuşanın atəşə tutulmasına gəlincə, bu təxribatda məsuliyyəti Rusiya sülhməramlıları daşıyır. Erməni Şuşanı atəşə tutursa, bu çox böyük bir təhlükəli sindromdur. Deməli sülhməramlı öz missiyasını həyata keçirdə bilmir. Bu səbəbdən orada olan erməni terroçuları fəallaşıb. Erməni silahlıları Qarabağdan mütləq çıxardılmalıdır. Müharibə Qarabağdan erməni silahlıları çıxardilanda bitəcək. Amma görünən odur ki, terroçuların Qarabağda qalması sülhməramlıların marağındadır. Əgər Rusiya üzərinə götürdüyü öhdəliyi yerinə yetirməsə, Azərbaycan antiterror əməliyyatı ilə terroçuları Qarabağdan təmizləyəcək. “
