Rusiya prezidenti Vladimir Putin ötən gecəni yuxusuz keçirib. Birincisi, “Moskva” raket kreyseri ilə bağlı bütün təfərrüatlar ona anındaca bildirilib. İkincisi, Putinin bu hadisələrə şiddətli reaksiyası həm prezidentin özünün, həm də ətrafındakı hərbi blokun rəhbərliyində çoxlarına baş verən hər şeyi sakitcə dərk etməyə imkan verməyib.
Təbii ki, onlar Putini hər hansı qəza ilə bağlı atəş və sursat partlaması barədə özündən çıxarmağa çalışmayıblar. Gecə ona məlumat verilib ki, kreyserə hücum Boris Consonun Kiyevə səfərindən bir qədər əvvəl Böyük Britaniya tərəfindən Ukraynaya çatdırılan ən son silahlardan istifadə edilməklə həyata keçirilib. Üstəlik, Putinə əməliyyatın Britaniya hərbçiləri tərəfindən idarə olunduğu barədə məlumat verilib.
Etibarlı mənbələrdən daxil olan məlumata görə, Putinə verilən informasiyalar reallığa tam uyğun gəlmir, bu, ən azı Britaniya hərbçilərinin bu əməliyyatda birbaşa iştirakına aiddir. Nə olursa olsun, Putin çox qəzəblənib və o gecə onunla görüşmək və ünsiyyət qurmaqdan həzz alan heç kəs onu əvvəllər belə vəziyyətdə görməmişdi.
Donanma onun ümidi və qüruru olaraq qalırdı. Putin Qara dəniz donanması gəmilərinin təhlükəsizliyindən ehtiyat etdiyi üçün şəxsən hadisələri ləngitmiş və sonda Odessa bölgəsinə desant çıxarma əməliyyatını ləğv etmişdi. Üstəlik, Putin həm də simvolikanın böyük həvəskarıdır və indi məhv edilmiş Moskva kreyserinin bəlağətli adı öz sözünü deyir. Fırtınalı keçən gecədə təkcə kreyser deyil, hərbi hakimiyyət orqanları ilə birlikdə Rusiya prezidentinin iqamətgahındakı mebel də – hamamdakı sınmış büllur stol və səpələnmiş stullar, eləcə də, şkafların siyirtmələri prezidentin qəzəbinə tuş gəlib.
Dadaş Əhmədli
