image-ads_2000x150
image-1037672backend

Minlərlə insanın öldüyü Mariupolun müdafiəsində SƏHVƏ YOL VERİLİB – Müharibə davam edəcək 

image-ads_728x90

“İlk növbədə qeyd etmək lazımdır ki, Mariupol hazırda 90% dağıdılıb və bu yarım şəhərin sakinlərinin böyük əksəriyyəti oranı tərk edib. Bu şəhərin minlərlə dinc sakini isə faktiki olaraq öldürüldü”.

Bunu  açıqlamasında Kiyev Dünya Siyasət İnstitutunun dosenti, politoloq Yevqeni Maqda deyib.

Ukraynalı siyasi analitik bildirib ki, böyük ehtimalla müharibənin nəticəsi Donbassda həll olunacaq:

“Mariupolun artıq Rusiyanın nəzarətinə keçməsi, reallıqla heç bir əlaqəsi olmayan bir hesabatdan başqa bir şey deyil. Əslində Mariupolun müdafiəsi ilə bağlı müxtəlif fikirlər səslənir. Rusiya burada xeyli sayda Ukrayna qüvvələrinin toplaşdığını düşünüb, onun ətrafında əhəmiyyətli dərəcədə öz qüvvələrini cəmlədi. Nəticədə bu, Ukraynaya digər şəhərlərin müdafiəsini təşkil etməyə kömək etsə də Mariupolun Rusiyanın ciddi zərbələrinə məruz qalmasına səbəb oldu.

Yəqin ki, müdafiənin təşkilində səhv hesablamalar olub, lakin Mariupoldakı müdafiəçilərin qəhrəmanlığı heç bir şübhə doğurmur. Buna görə də deyə bilərik ki, Mariupol bu müharibədə öz hərbi rolunu oynayıb və Rusiya məlum səbəblərə görə onu ələ keçirmək istəyir ki, perspektiv quru dəhlizi Krım tərəfindən təmin edilir. Bu dəhliz 2014-cü ildə ilhaq edilən Krımla qondarma “DХR” və “LХR”i birləşdirir.

Böyük ehtimalla müharibənin nəticəsinin Donbassda həll olunacağını söyləyə bilərik. Amma bu o demək deyil ki, Rusiya 100 faiz istəyinə nail olacaq. Rusiyanın Donetsk və Luqansk vilayətlərinin bütün ərazisi üzərində nəzarəti bərqərar etməyə çalışması faktdır. Ancaq indidən buna görə öyünmək nə dərəcədə reallıqla uzlaşır, demək çətindir. Düşünürəm ki, müharibə vəziyyəti bundan sonra da davam edəcək, çünki Ukrayna silahlı qüvvələri bütün dünyaya sübut etdi ki, onlar çox yaxşı döyüşürlər və bütün ölkə ərazisini müdafiə etmək qabiliyyətinə malikdirlər”.milli.az

image-ads_728x90

  • whatsapp
  • messenger
  • telegram
  • vkontakte
  • odnoklassniki