Böyük Britaniya vətəndaşı, milyonçu Çarlz Corc vəfat etdikdən sonra vəsiyyəti oxunanda ailə üzvləri şoka düşüb.
Alp.az xəbər verir ki, o var-dövlətinin böyük hissəsini Türkiyədə oteldə ofisiant və köməkçi işləyən Taşqın Aydın adlı şəxsə verib. Milyonçu ofisant dostuna 6 milyon avro vəsiyyət edib. Bu hadisə ailə üzvlərini şoka salıb. Çarlz Corc ailə üzvlərinə cəmi 2 milyon 700 min avro pul saxlayıb. Türk mətbuatının yazdığına görə Çorc hər yay istirahət etmək üçün Quş adasına gəlib. Burdakı otel işçilərinin xidmətindən razı qalan turist, onlarla dost olub. O, Taşqın Aydınla daha yaxın olub. Hətta tətilə gələndə pullarını Taşqına etibar edirmiş.Corc vəfat edəndən sonra britaniyalı rəsmilər zəng vuraraq, Corcun ona var-dövlətini vəsiyyət etdiyini bildiriblər.
