Millət vəki Jalə Əhmədova avqustun 5-də Salyan rayonun Şorsulu kəndində yaşayan Vətən müharibəsi qazisi Sahib Əhmədovu evində ziyarət edib. Alp.az-a səfəri barədə danışan millət vəkili bildirib ki, ziyarəti zamanı qazinin problemləri ilə maraqlanıb: “Sahibi və həyat yoldaşını təbrik etdim, yeni evlərinin xeyirli, ruzi-bərəkətli olmasını arzuladım. Qazimizin səhhəti, müalicəsi, həmçinin onu narahat edən problemlərlə maraqlandım. Ölkəmizdə şəhidlərimizin ailələrinə və qazilərə diqqət və qayğının yüksək səviyyədə olduğunu, əlil və şəhid ailələrinin mənzil və məişət şəraitinin yaxşılaşdırılması Azərbaycan Prezidenti cənab İlham Əliyev tərəfindən həyata keçirilən dövlət siyasətinin prioritetlərindən biri olduğunu qeyd etdim. Bu kateqoriyadan olan insanların cənab Prezident İlham Əliyevin və Birinci vitse-prezidentimiz Mehriban Əliyevanın daim diqqət mərkəzində olduğunu vurğuladım.”
Qeyd edək ki, millət vəkili mütamadi olaraq şəhid və qazi ailələrini, həmçinin aztəminatlı ailələrlə görüşür.
