Şahmat üzrə keçmiş dünya çempionu Qarri Kasparov Ermənistanın baş naziri Nikol Paşinyanı Qazaxıstanda baş verən qırğınlarda iştirakda ittiham edib. Alp.az xəbər verir ki, bu barədə Kasparov öz onlayn qəzetinin səhifələrində bildirib.
“Paşinyan nə etdiyini anlamır. O, tarixdə yaxşı lider kimi qala bilməyəcək. Ermənistan lideri Nikol Paşinyanın Qazaxıstanın işğalı planının həyata keçirilməsində fəal iştirak etməsi, bununla da bugünkü qırğınlarda iştiraki utancvericidir. Paşinyanın dinc inqilab nəticəsində hakimiyyətə gəlməsi onun hərəkətlərini xüsusilə kinli edir. Başqa xalqların qanı bahasına öz xalqının təhlükəsizliyini almaq mümkün deyil. Paşinyana səslənirəm sən qazaxların qatili oldun”, – deyə Kasparov yazıb.
