Daha əvvəl xəbər verdiyimiz kimi, ötən gün Belarus prezidenti Aleksandr Lukaşenko rusiyalı jurnalist Vladimir Solovyova müsahibəsində bildirib ki, “digər postsovet ölkələri, o cümlədən Ermənistan Belarus və Rusiya İttifaq Dövlətinə qoşula bilər”.
“Belarus artıq oradadır. Düşünürəm ki, Qazaxıstan üçün yaxşı dərs olub… Səhvlər etməsək Ukraynanın orada olacağına əminəm… Ermənistanın isə başqa yolu yoxdur. Sizcə onlar kiməsə lazımdılar? Onlar artıq bunu anlayırlar”.
Ermənistanın “Past” qəzeti yazır ki, “belə bəyanatlar təsadüfi deyil. Əldə etdiyimiz məlumata görə, ittifaq dövləti məsələsi Ermənistan hakimiyyətində fəal şəkildə müzakirə olunur. Üstəlik, konkret addımlar atılır, görüşlər keçirilir”.
Nəşr iddia edir ki, “2024-cü ilə qədər Ermənistanın ittifaq dövlətinə daxil olmasının yekun variantının hazırlanması və müvafiq vahid paketin parlamentin ratifikasiyasına təqdim edilməsi barədə ilkin razılıq əldə olunub. Bu kontekstdə Rusiyadan olan müxtəlif emissarların Ermənistana səfərləri, yerli rusiyayönlü siyasi və ictimai dairələrlə təmasları intensivləşib”.virtualaz
