44 günlük Vətən Müharibəsində Azərbaycan oğulları öz qəhrəmanlıqları ilə dastan yazdılar. Hamı bir nəfər kimi silaha sarılaraq torpaqlarımızın azadlığı üçün savaşa atıldı. 30 illik arzumuzu gerçəkləşdirən minlərlə vətən oğlu şəhidlik zirvəsinə ucaldı. Bu möhtəşəm qələbədə payı olanlar dövlətimiz tərəfindən ən ali mükafatlarla təltif edildi. Azərbaycanın hər yerində Ali Baş Komandan İlham Əliyevin göstərişi ilə qələbəmizin memarı olan Azərbaycan əsgərinin şərəfinə Zəfər Parkları inşa edilməyə başladı.
Amma deyəsən kimlərsə bu parkların inşa edilməsinə, onların rəngəbərəng işıqlarla işıqlandırılmasından qıcıqlanır. Əgər belə olmasaydı minlərlə şəhidimizin ruhuna ittihaf edilən, onların mübariz ruhu dolaşan bu ZƏFƏR PARKI qaranlığa qərq edilməzdi. Lerik rayon icra hakimiyyətinin və Lerik rayonu İşıq idarəsinin rəhbərinin göstərişi ilə bu parka verilən elektrik enerjisi kəsilib. Lerikdən verilən məlumata görə bu bıabırçılığın əsas səbəbi kimi elektrik enerjisinin sərfiyyatının çox olması göstərilir.
Bildirilir ki, Lerik rayonu İşıq idarəsinin rəhbərinin göstərişi ilə Şəhidlərimizin xatirəsinə tikilmiş ZƏFƏR PARKI komleksinin işıqlarının kəsilməsinə sərəncam verilib. Artıq xeyli müddətdir ki, ZƏFƏR PARKI komleksi qaranlığa qərq olub. Alp.az komandası Lerik İcra hakimiyyətinə, Lerik rayonu İşıq idarəsinə tezliklə bu biabırçılığı əncam çəkməyə cağırır. Şəhidlərimizin ruhuna hörmət edin.
