Qondarma rejimin rəhbəri Arayik Arutyunyan Xankəndində bir qrup erməni ziyalısını qəbul edib. Alp.az xəbər verir ki, bu barədə “Hraparak” qəzeti yazır.
Arayik Arutyunyan 2020-ci il müharibəsi haqqında danışarkən müharibə və məğlubiyyətin səbəbləri ilə bağlı öz təhlilini təqdim edib.
“Biz Qarabağı Vətən müharibəsindən öncə itirmişdik. Azərbaycan müharibəyə hazırlaşarkən bizim başımız başqa işlərə qarışmışdı. 30 ildə Qarabağa erməniləri köçürdə bilmədik. Qarabağa gələn ermənilərin çoxu bu ərazini tərk etdilər. Bu savaşda Ermənistandakı bəzi qüvvələr bizə yardım etmədi. Məhz bizi arxadan vurdular. Bu gün Qarabağda çox ağır vəziyyət var.” -deyə Arutyunyan bildirib.
