“Daha öncəki dalğada uşaqlar fərqli kliniki əlamətlərlə gəlirdilər. Elə uşaq var idi ki, güclü böyrək ağrısından şikayətlənirdi. Müayinələr zamanı bəlli olurdu ki, məhz koronavirusun fəsadı olaraq uşaqda bu cür hallar müşahidə edilir”.
Alp.az xəbər verir ki, bu sözləri “ARB24″də yayımlanan “İş vaxtı” verilişində pediatr Aytən Ziyadova bildirib.
Həkim bildirib ki, müraciət edən azyaşlılarda səpgi, dodaqda şişmə, ödem, gözlərdə qızartı kimi kliniki əlamətlərə də rast gəlinib:
“Bu cür çaşdırıcı kliniki əlamətlərlə gəldikdə mütləq uşaqların anamistik məlumatlarını, onun koronavirus testini sorğulayaraq müayinələr aparılır. Bu müayinələrin əsasında da müalicələr tətbiq edirik”.
