İran koronavirusla əlaqədar qonşu ölkələrlə quru sərhədlərdən vətəndaşların keçidinə tətbiq etdiyi məhdudiyyəti ləğv edib.
Alp.az-ın məlumatına görə, bunu İranın daxili işlər naziri Əhməd Vəhidi jurnalistlərə açıqlamasında deyib.
Ə.Vəhidinin sözlərinə görə, qonşu ölkələrə (Azərbaycan, Türkiyə, Ermənistan, İraq, Türkmənistan, Pakistan və Əfqanıstan) vətəndaşların gediş-gəlişi PCR testi və iki doza vaksinlə mümkündür.
Qeyd edək ki, 25 dekabrda İran qonşu ölkələrlə quru sərhədlərinin vətəndaşlar üçün 15 gün müddətinə bağlı olduğunu elan etmişdi.
