Kiyevin Podolski rayonunda düşmənin şəhəri atəşə tutması nəticəsində 4 nəfər həlak olub, 1 nəfər yaralanıb.
Alp.Az UNIAN-a istinadla xəbər verir ki, bu barədə Fövqəladə Hallar üzrə Dövlət Xidmətinin Kiyev şəhəri üzrə Baş İdarəsi məlumat yayıb.
Məlumata görə, hadisə nəticəsində Podolski ərazisində olan ticarət mərkəzlərindən birində yanğın baş verib.
Saat 02:18-də yanğınsöndürənlər tərəfindən ümumi sahəsi 1500 kv.m olan yanğın lokallaşdırılıb. Yanğının söndürülməsi davam edir.
Dövlət Fövqəladə Hallar Xidməti qeyd edir ki, hadisə yerinə 11 yanğınsöndürmə texnikası və 63 canlı qüvvə cəlb olunub.
“4 nəfər yerindəcə ölüb, 1 nəfər xəsarət alıb. Məlumat dəqiqləşdirilir”, – xilasedicilər bildiriblər.
Ticarət mərkəzinin dayanacağında avtomobillərin də yandığı bildirilir.
Rüfət
Alp.Az
