Kiyev yaxınlığında İvankov, Borodyanka və Kozaroviçi bölgəsində döyüşlər davam edir.
Alp.az xəbər verir ki, bu barədə Ukrayna Milli Qvardiyasının Operativ Reaksiya Briqadasının mətbuat katibi Xariton Starski bildirib.
“İlkin məlumatlara görə, hava hücumundan müdafiə qüvvələri gecə saatlarında Kiyev səmasında Rusiya qoşunlarının 2 raketini vurub. Çox güman ki, onlar Müdafiə Nazirliyinin ərazisini atəşə tutmağa cəhd ediblər. Səhər paytaxtda sakitlik olsa da, şəhər kənarında döyüşlər gedir. Saat 09:00-a olan məlumata görə, (Bakı vaxtı ilə 11:00 – red.) Borodyanka, Kozaroviçi və İvankov qəsəbələri ərazisində döyüşlər davam edir” – Starski qeyd edib.
Onun sözlərinə görə, dünən ruslar İvankovu tutmağa çalışsalar da, indi kənddə artıq rusların yanmış texnikasını müşahidə etmək olur.
