Ukrayna Rusiya ilə yeni saziş layihəsini təqdim edib və bu, Ukrayna və Rusiya tərəfinin martın 29-da İstanbulda keçirilən görüşdə qeyd etdiyi “mühüm təkliflərdən uzaqlaşdığını” göstərir.
Alp.az xəbər verir ki, bunu Rusiyanın xarici işlər naziri Sergey Lavrov bildirib.
“Xatırladıram ki, həmin İstanbul sənədində ukraynalılar Ukrayna üçün gələcək təhlükəsizlik zəmanətlərinin Krım və Sevastopola aid olmadığını açıq şəkildə ifadə ediblər. Dünənki layihədə bu aydın ifadə yoxdur, bunun əvəzinə hansısa “effektiv nəzarət” haqqında qeyri-müəyyən ifadələr təklif olunur, üstəlik fevralın 23-nə olan vəziyyətə görə”, – Lavrov izah edib.
Bundan əlavə, Ukrayna prezidentlərin görüşündə Krım və Donbas məsələsini müzakirə etməyi təklif edir, bu, qəbuledilməzdir, Lavrov vurğulayıb.
Lavrov xatırladıb ki, sənədin əvvəlki variantında xarici kontingentlərin iştirak etdiyi istənilən hərbi təlimlər bütün qarant ölkələrin, o cümlədən Rusiyanın razılığı ilə keçirilir.
“Lakin dünən daxil olan müqavilə layihəsində bu birmənalı müddəa da dəyişdirilib. İndi söhbət qarant dövlətlərin əksəriyyətinin razılığı ilə Rusiyanın adını çəkmədən təlimlərin keçirilməsinin mümkünlüyündən gedir”, – XİN rəhbəri bildirib.
Onun fikrincə, bütün bunlar Kiyevin danışıqlar aparmaq iqtidarında olmadığını, əldə edilmiş anlaşmalardan kənara çıxmaqla danışıqları ləngitmək və hətta baltalamaq xəttini nümayiş etdirir.teleqraf
