İsrail düşmənin bütün silah sistemlərini sıradan çıxaran texnikasını təqdim etdikdən sonra bu silahı əldə etmək istəyən dövlətlərin sayı getdikcə artır. Alp.az xəbər verir ki, İsrail düşmən ordusunun bütün silah sistemlərini təsirsiz hala gətirəcək yeni elektron döyüş sistemini təqdimatından sonra bir neçə ölkə bunu əldə etmək üçün hərəkətə keçib. Artıq İsrailin adı gizlin saxlanılan ilk ölkə ilə razılığa gəldiyi bildirilir.
Qeyd edək ki, “Scorpius” adlı sistem “Israel Aerospace Industries” tərəfindən hazırlanıb və “elektron müharibədə inqilab” kimi xarakterizə edilib.
“Raket buraxmayan bir hücum silahı düşünün. Bu öldürmək üçün sistem deyil, amma yenə də düşmən sistemlərinə müdaxilə və sıradan çıxarma baxımından çox təsirlidir”, – deyə şirkət rəsmisi Gideon Fustik bildirib.
