Azəri Cəhromi yenə də İnstagram hesabındakı paylaşımında Qərbi və Şərqi Azərbaycan əyalətlərinin adlarını təhrif edərək “Qərbi Azər” və “Şərqi Azər” kimi yazıb. Nazirin bu addımı Güney Azərbaycan türklərinin etirazlarına yol açıb.
İranın Rabitə və Texnologiyalar naziri Məhəmmədcavad Azəri Cəhrominin Azərbaycan adını təhrif olunmuş formada yazması etirazlara səbəb olub.
Azəri Cəhromi yenə də İnstagram hesabındakı paylaşımında Qərbi və Şərqi Azərbaycan əyalətlərinin adlarını təhrif edərək “Qərbi Azər” və “Şərqi Azər” kimi yazıb. Nazirin bu addımı Güney Azərbaycan türklərinin etirazlarına yol açıb.
Xatırladaq ki, bu, İran hökumətinin baxanı tərəfindən artıq davamlı olaraq həyata keçirilən təhrif siyasətidir.
Gənc nazir bundan qabaq da dəfələrlə Azərbaycan əyalətlərinin adını bu şəkildə yazıb və onun bu addımı Güney azərbaycanlılar tərəfindən qəzəblə qarşılanıb.
Qeyd edək ki, belə hallar İran rəsmiləri, Dövlət Radio və Televizya Şirkəti və başqa rəsmi qurumlar tərəfindən dəfələrlə təkrar olunub.
İranın Rabitə və Texnologiyalar Nazirliyinin Şərqi Azərbaycanda yerləşən Radio Ötürücüləri və Rabitə Qaydalarını Tənzimləmə Baş İdarəsinin Şahgölü parkı ilə üzbəüz yerləşən binasının lövhəsində Azərbaycan adı təhrif olunub.
Rəsmi dövlət idarəsinin lövhəsində Şərqi Azərbaycan adı təhrif olunaraq “Azər Bölgəsi Radio Ötürücüləri və Rabitələri Qaydalarını Tənzimləmə Baş İdarəsi” yazılıb.
Bundan öncə bir sıra rəsmi dövlət televizya kanalları və mətbuat orqanlarında bu hal baş verib. Məsələnin ictimailəşməsi və etirazların çoxalmasından sonra rəsmilər belə halları “səhv” adlandırıb, təkrar olunmayacağına söz veriblər. Lakin hələ də Azərbaycan adına qarşı təxribatlar davam edir.
Bir müddət əvvəl İran dövlət televiziyasının birinci kanalında verilişlərdən birinin sonunda Şərqi Azərbaycan əyalətinin adının “Təbriz əyaləti” kimi verilməsi Güney azərbaycanlıların etirazlarına səbəb olmuşdu.
Sosial şəbəkələrdə başladılan kampaniyalarda İran hökumətinin və siyasi panfarsist mərkəzlərin Azərbaycan adına qarşı qısqanc münasibətinə etiraz edilmişdi.
Bir sıra ekspertlər İran televiziyasının birinci kanalının və nazir Azəri Cəhrominin bu hərəkətini İran hökumətinin “Azərbaycan” adının Güney Azərbaycan əyalətlərinin üzərindən götürülməsi istiqamətində atdığı məqsədli addım hesab edirlər. Hesab edilir ki, rəsmi Tehranın bu addımı əhalinin reaksiyasını yoxlamağa hesablanmış hərəkətdir. gunaz.tv
