image-ads_2000x150
image-249039290_167378182265455_2222903247188644619_nbackend

İranın silah alacaq pulu yoxdur –Rusiya mətbuatından şok İDDİA

image-ads_728x90

İranın silah almaq üçün pulu yoxdur. Alp.az xəbər verir ki, bu iddia ilə Rusiyanın “İzvestiyaa” qəzeti çıxış edib. Qəzetin yazdığına görə, İran son illərdə Rusiyadan bir sıra hərbi silahlar, o cümlədən hərbi təyyarə, helikopter və hava hücumundan müdafiə sistemləri almaq istəyib, ancaq bunun üçün kifayət qədər pulu olmayıb.

Qəzet İran Silahlı Qüvvələrinin Qərargah rəisi Məhəmməd Baqerinin Moskvaya son səfəri ilə bağlı yazır ki, Baqeri Rusiya rəsmiləri ilə özəliklə, İranın köhnəlmiş hava hücumu sistemlərinin yenilənməsi və qabaqcıl silahların alınması üçün çoxlu müzakirələr aparıb.
Qəzet habelə, İranın bu silahları əldə edə bilməsi üçün kifayət qədər pulunun olmaması səbəbi ilə onların təklifinin Rusiya tərəfindən rədd edildiyini yazır.

Amerikanın “National İnterest” jurnalının 2019-cu ilin dekabrında verdiyi məlumatda, İranın döyüş təyyarələrinin sayının Britaniyanın qırıcılarının sayından iki dəfə çox olduğunu və bu rəqəmin İranda 350 olduğunu yazmışdı. Belə ki, bu rəqəm ilə İran dünyada ən çox qırıcısı olan ölkə olaraq qəbul edilmişdi.

Habelə, jurnalda qeyd olunduğuna görə, bütün bunlarla yanaşı, İranın Amerika istehsalı F-14, F-5 və F-4 təyyarələrinin əksəriyyəti köhnə olub.
Jurnal həmçinin, İranın hava hücumu sahəsindəki silahlarının Rusiya istehsalı MİQ-29 bombardmançıları və Çin istehsalı J-7-lər olduğunu qeyd edib. Xatırladaq ki, bütün bunlar 1980-90-cı illərin istehsalı olan hərbi silahlardır.
“İzvestiya” qəzeti habelə qeyd edir ki, İran Amerika və İsrail tərəfindən onun atom təsisatlarının dağıdılması təhdidinə qarşı özəlliklə, hava hücumundan müdafiə, radar, hərbi qırıcılar və kibermüharibə texnologiyasının yenilənməsinə ehtiyacı var.
Ancaq, qəzetdə qeyd olunur ki, maliyə problemlərinə baxmayaraq, İranın Rusiyadan 1 və ya 2 ədəd hava hücumundan müdafiə sistemləri alacağı ehtimal olunur.

Loading...
image-ads_728x90

  • whatsapp
  • messenger
  • telegram
  • vkontakte
  • odnoklassniki