Ermənistanın keçmiş müdafiə nazirinin müavini, Ermənistan Respublika Partiyası Şurasının üzvü Artak Zakaryan öz Facebook səhifəsində Azərbaycan Prezidenti İlham Əliyevin Soçidə Rusiya Federasiyasının Prezidenti ilə görüşündə verdiyi bəyanata münasibət bildirib. Alp.az xəbər verir ki, Artak Zakaryan ölkəsini yeni müharibəyə hazırlaşmağa cağırıb.
“Dünən Rusiya prezidenti Vladimir Putinlə ikitərəfli görüş zamanı İlham Əliyev öz əminliyini və liderliyini nümayiş etdirdi. Əliyev nə istədiyini bir daha nümayiş etdirdi. İlham Əliyev hətta Putinə Qarabağda baş verən təxribatlar barədə də danışdı. Beləliklə, Azərbaycan öz mövqeyini nümayiş etdirdi. Bu mövqeyi nəticəsində İlham Əliyev istədiyini əldə etdi. Bir sözlə İlham Əliyev Qarabağı ermənilər üçün dəfn etdi”, – Artak Zakaryan qeyd edib.
