Ermənistan Müdafiə Nazirliyində qalmaqal baş verib. Erməni mətbuatı iddia edir ki, generallar arasında ciddi uçurum yaranıb. “Ermənistan Silahlı Qüvvələri Baş Qərargahının rəisi Artak Davtyan artıq bir həftədir ki, Müdafiə Nazirliyinə buraxılmır”-Alp.az xəbər verir ki, bu iddia ilə Ermənistanın “Hraparak” nəşri çıxış edib. Erməni nəşri iddia edir ki, müdafiə naziri Suren Papikyanın göstərişi ilə Artak Davtyan nazirliyə buraxılmır.
Nəşr iddia edir ki, tezliklə Artak Davtyan cinayət məsuliyyətinə cəlb edilə bilər.
“Artak Davtyanın dəyişməsi keçmiş müdafiə naziri David Tonoyanın və silah tədarükçüsü şirkətinin direktoru David Qalstyanın (Patron Davo) nəzarətində olan silah tədarükü ilə bağlı məlum cinayət işi ilə bağlıdır. O, həbs edilə bilər. Artıq Davtyana da ittiham irəli sürülüb”, – nəşr yazır.
