“ABŞ Prezidenti Co Baydenlə Ermənistanın Baş naziri Nikol Paşinyan arasında telefon söhbəti olub. Amma bu haqda heç bir ölkənin mətbuat xidməti məlumat verməyib”.
Bu sözləri BDU-nun professoru, politoloq Əlimusa İbrahimov deyib.
O, məsələnin mahiyyətini “Sherg.az”a izah etdi:
“Bayden Paşinyana şəxsi məsələ ilə bağlı zəng edib. O, Ermənistan Baş nazirindən Azərbaycanla 44 günlük müharibədə düçar olduğu uğursuzluqdan sonra yenidən hansı yollarla Baş nazir seçilməsi haqqında soruşub. Axı qoşunları Əfqanıstandan çıxardıqdan sonra ölkədə Baydenin üstünə düşüblər. Üstəlik, NATO-dan olan müttəfiqləri də ondan üz döndərib. Belə getsə, Co Baydeni nəinki ikinci dəfə seçəcəklər, hətta onu birinci dövrü başa çatdırmağa qoymayacaqlar. Ona impiçment tətbiq olunması haqqında artıq söz-söhbət gəzir. Paşinyan da Baydeni başından edərək “Bu barədə telefonla danışmaq olmaz” -deyə bildirib, istəyirsən rəsmi səfərə dəvət et, gəlim, orada hər şeyi izah edim”- deyib. İndi Bayden Paşinyana dəvət göndərmək barədə düşünür. Görünür, Paşinyan Baydendən bacarıqlı imiş”.
