Ermənistan İstintaq Komitəsinin Xüsusilə Əhəmiyyətli İşlərin İstintaq Baş İdarəsi Milli Təhlükəsizlik Partiyasının sədri Qarnik İsaqulyanı həbs edib. Alp.az erməni mətbuatına istinadən xəbər verir ki, Qarnik İsaqulyana qarşı cinayət işi üzrə ibtidai istintaq çərçivəsində bir sıra halların aydınlaşdırılması üçün istintaq və prosessual hərəkətlər həyata keçirilib.
Erməni mətbuatı iddia edir ki, Qarnik İsaqulyan Türkiyə və Azərbaycan xüsusi xidmət orqanları tərəfindən əməkdaşlığa cəlb edilib və onunla Türkiyəli xəfiyyələr Batumidə bir neçə dəfə görüşüblər.
Erməni mətbuatı qeyd edir ki, İsaqulyan dövlət rəsmilərinin çoxu haqqında vətənə xəyanət damğası vurmaq, həmçinin onlar haqqında rüsvayçı məlumatlar yayacağı ilə hədələyib və onlardan külli miqdarda pul alıb.
