Ermənistan prezidenti Armen Sarkisyan dünən verdiyi müsahibə zamanı Azərbaycan-Ermənistan sərhəddində baş verənlərə toxunub. Alp.az erməni mediasına istinadən xəbər verir ki, Armen Sarkisyan müharibədən sonra Azərbaycanın onları tərəf kimi qəbul etmədiyini etiraf edib.
“Azərbaycan iqtisadi və siyasi resuslardan istifadə edərək bizi dalana dirəyib. Ermənistan müharibədə həm iqtisadi, həm də mənəvi zərbə aldı. “- deyə Sarkisyan bildirib.
“Azərbaycan tərəfi noyabrın 11-dən etibarən Gorus – Qafan yolunun 21 kilometrlik hissəsində Ermənistan vətəndaşlarına və mallarına münasibətdə də gömrük və pasport nəzarəti həyata keçirməyə başlayıb. Biz də bu ərazidə öz kömrük postlarımızı yerləşdirməyi düşünürük. Ancaq Azərbaycan bizi məğlub etməklə Cənubi Qafqazda tək güc olduğunu göstərdi. İndi bunu siyasi arenada nümayiş etdirmək istəyir. Ermənistan Respublikasının sərhədlərinə, ərazi bütövlüyünə və suverenliyinə, vətəndaşlarımızın həyatına, onların azad və təhlükəsiz hərəkətinə və bütün digər fundamental hüquqlara hər hansı təcavüzü biz qəbuledilməz hesab edirik.”- deyə Armen Sarkisyan bildirib.
