Son günlər erməni ordusunun əsgər və zabitləri ancaq avtomobil qəzasında yaralanır. Alp.az xəbər verir ki, bu gün səhər Ermənistanın Şirak vilayətində İrəvan-Meğri avtomobil yolunun 204-cü kilometrliyində baş verən yol qəzası nəticəsində 27 yaşlı zabit Aram Xaçatryan da ağır yaralanıb. Məlumatı “Shamshyan” agentliyi yayıb.
Məlumata əsasən, Xaçatryan özünün “Mercedes” markalı avtomobili ilə İrəvan-Meğri yolunda idarəetməni itirərək dərəyə yuvarlanıb.
Bildirilib ki, bu zabit 2 Aprel və 44 günlük döyüşlərin ən fəal iştirakçılarından olub. Ancaq maraqlısı budur ki, son 10 gün ərzində 8 erməni zabiti avtobil qəzasınında yaralanıb və yaxud ölüb. Erməni bloger David Arakelyan bu aviqəzaları Ermənistan Müdafiə Nazirliyinin şousu adlandırıb. “Son 10 gündə 8 qəza olub. Bu qəzalarda 5 zabit həlak olub, 3 ağır yaralanıb. Müharibədə ölən və yaxud yaralanan zabitləri qəza adı ilə sığorta edirlər”-deyə Arakelyan bildirib.
