Vətən müharibəsi ərəfəsində sentyabrın 28-də Ermənistan Silahlı Qüvvələri Baş Qərargah Kəşfiyyat Müdirliyinin başçısı, general-mayor Arakel Martikyan təmas xəttində məhv edilmişdi. Alp.az xəbər verir ki, erməni generalının məhv edilməsinin detallarına toxunan erməni mətbuatı şok iddia irəli sürüb.Erməni nəşri iddia edir ki, erməni generalı Arakel Martikyan və Xüsusi Təyinatlı Briqadanın komandiri, polkovnik-leytenant Vardanyan Lernik Aregi onların olduğu hərbi hissəyə daxil olan Azərbaycan əsgəri tərəfindən məhv edilib. “Aykakan jamanak” qəzeti iddia edir ki, bir Azərbaycan əsgərinin general və yüksək rütbəli 4 zabiti təkbaşına öldürülməsi bu günə qədər gizli saxlanılıb. Qəzet iddia edir ki, erməni generalın öldürülməsi Qarabağdakı erməni hərbi birləşmələrinin də marağında olub. Nəşr iddia edir ki, generalın hətta Araik Arutunyanla və Qarabağdakı erməni birləşmələrinin komandanlığı ilə münasibəti olduqca pis olub. Nəşr sonda qeyd edir:”General partlayış zamanı yox, arxa cəbhədə yerləşən erməni hərbi hissəsinə daxil olan Azərbaycan əsgəri tərəfindən məhv edilib. “
Ermənistan ordusunun generalı belə məhv edilib: Erməni mətbuatından şok iddia
