Ermənistan müdafiə nazirliyi Azərbaycan Silahlı Qüvvələrinin bölmələrinin irəliləməsi ilə bağlı yayılan xəbərləri qəti şəkildə təkzib edib.
Alp.Az Ermənistan mətbuatına istinadən xəbər verir ki, Ermənistan MN-in məlumatına görə, “Azərbaycanın nəzarəti altında olan qeyd olunan ərazidə Azərbaycan bölmələrinin bir neçə mövqeləri var ki, onlar təchiz olunmadığı üçün qışda istifadə oluna bilmir. İndi hava şəraitinin dəyişməsi ilə əlaqədar Azərbaycan hərbçiləri bu mövqelərə təzəcə qayıdırlar. İstər bu istiqamətdə, istərsə də sərhədin bütün digər hissələrində Ermənistan Silahlı Qüvvələri onlara həvalə edilmiş tapşırıqları tam şəkildə yerinə yetirir, o cümlədən Azərbaycan Silahlı Qüvvələrinin istənilən hərəkətini izləyir və vəziyyəti nəzarətdə saxlayır”.
Müdafiə Nazirliyi bir daha sərhəddəki vəziyyətlə bağlı məlumat yayarkən yalnız rəsmi məlumatları rəhbər tutmağa çağırıb.
Rüfət
