Azərbaycan KTMT-də müşahidəçi olacaqmı? Bunun qarşısını almaq üçün Ermənistan yenə baş sındırır.
Alp.az-ın məlumatına görə, bu gün İcraiyyə Komitəsi sədrinin birinci müavini, MDB-nin icraçı katibi Leonid Anfimov bildirib ki, MDB KTMT-də müşahidəçi statusu almaq məsələsinə baxır.
“MDB-yə beynəlxalq təşkilat kimi KTMT-də müşahidəçi statusunun verilməsi məsələsinə Daimi Nümayəndələr Şurasının qapalı iclasında baxılacaq”, -deyə o bildirib.
Xatırladaq ki, Azərbaycan həm də MDB-nin üzvüdür. Təşkilat KTMT-də müşahidəçi statusu alarsa, bu, Azərbaycana da şamil olunacaq.
Məlumat yayılan dəqiqədən ermənilərin təşvişi artıb. Onlar bunu “qeyri-mümkün və siyasi axmaqlıq” adlandıraraq, qarşısını almaq üçün “qabaqlayıcı tədbirlər” görməyi planlaşdırırlar.
