image-ads_2000x150
image-tehran1_mensimbackend

Ermənilərin qorxulu röyası olan POLKOVNİK: Tehran Mənsimov kimdir?

image-ads_728x90

44 günlük Vətən müharibəsinin qəhrəmanlarından biri də Tehran Mənsimov idi. Bu cəsur, qorxubilməz qəhrəmanı xalqımız çəkilən videolardan tanıdı. Bu dəfə Vətən müharibəsində şücaəti ilə dastan yazan Tehran Mənsimovu sizlərə tanıdacayıq.

Alp.az xəbər verir ki, polkovnik Tehran Mənsimov  1972-ci ildə Qusar rayonunun Düstahir kəndində anadan olub. 1989-cu ildə məktəbi bitirdikdən bir il sonra Sovet İttifaqı zamanında ordu sıralarında xidmətə başlayıb.  1992-ci ildə xidməti başa vursa da, Qarabağ müharibəsi başladığına görə Azərbaycan Silahlı Qüvvələrində xidmətini davam etdirib. Birinci Qarabağ savaşında bir çox qəhrəmanlıqlar göstərib.

Bakı Birləşmiş Zabitlər Məktəbində kəşfiyyat kursları bitirib.

24 avqust 2011-ci ildə Azərbaycan Respublikası Silahlı Qüvvələrinin Hərbi Akademiyasına daxil olub.

Birinci Qarabağ müharibəsində könüllü iştirak etdikdən sonra hərbi təhsil alaraq leytenant rütbəsində ordu sıralarında xidmətə başlamışdır. Taqım komandirliyindən briqada komandirliyinə kimi Qarabağ bölgəsində xidmət etmişdir.

2013-cü ildən Naxçıvan Əlahiddə Ümumqoşun Ordusunda xidmətə başlamış və Şahbuz rayonundakı hərbi hissənin komandiri kimi xidmət etmişdir. 2021-ci ilin iyun ayınadək Döyüş Hazırlığı və Tədris İdarəsinin rəisi vəzifəsində xidmətini davam etdirmişdir.

Naxçıvan Əlahiddə Ümumqoşun Ordusunun zabiti olan Tehran Mənsimov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün təmin olunması üçün başlanan Vətən müharibəsində fəal iştirak etmişdir. Ələlxüsus, noyabrın 4-dən 8-nə qədər davam edən Şuşanın azadlığı uğrunda döyüşlərində şəhərə girən ilk zabitlərdən olmuşdur.

44 günlük Vətən müharibəsində göstərdiyi qəhrəmanlığa görə, Ali Baş Komandan İlham Əliyev tərəfindən “Azərbaycan Bayrağı” ordeni, “Şuşanın azad olunmasına görə” medalı,  “Füzulinin azad olunmasına görə” medalı, “Xocavəndin azad olunmasına görə” medalı  ilə təltif edilib.

Loading...
image-ads_728x90

  • whatsapp
  • messenger
  • telegram
  • vkontakte
  • odnoklassniki