44 günlük Vətən Müharibəsində düşmən Azərbaycan ordusunun nəyə qadir olduğunu bir daha gördü. Bu 44 günlük savaşda Azərbaycan ordusunun taktiki gedişləri bütün dünya hərbi ekspertlərini şoka salmışdı. Məşhur amerikalı hərbi ekspert Bencamin Minik açıqlamasında Azərbaycan ordusunun zəfərini belə şərh etmişdi:”Azərbaycan ordusu 30 illik təlimini 44 gündə nümayiş etdirdi. Çətin relyefdə, dağlıq ərazidə bu tipli sürətli əməliyyat keçirən ordunun əsgərinin də, zabitinin də peşəkarlığı hərb tarixi üçün bir nümünədir.”
Bu döyüşlərdə qəhrəmanlığı dastan yazan igid oğullarımız düşmənin darmadağın edilməsi üçün son damla qanlarına qədər savaşdılar. Sözsüz ki, bu döyüşlərdə PUA-ların rolu olduqca böyük idi. Ermənilər də PUA-lar qarşısında aciz qaldıqlarını etiraf edirdilər.
“44 günlük müharibə boyunca Ermənistanın hava hücumundan müdafiə bölmələri Azərbaycan puaları tərəfindən ovlandı və bizi məhv etdilər” -Alp.az xəbər verir ki, bunu Ermənistanın Hava Hücumundan Müdafiə Qüvvələri Baş Qərargah rəisi, general-mayor Armen Vardanyan açıqlamasında etiraf etmişdi.
44 günlük savaşda bütün qoşun növlərimiz kimi Sərhəd Qoşunlarımız da bu savaşın bir parçası idi. Sərhəd Qoşunlarımıza isə döyüşlərdə qəhrəmanlığı ilə ad çıxaran General-leytenant Əfqan Nağıyev rəhbərlik edirdi.
Məhz PUA-larımız Sərhəd Qoşunlarımızın himayəsində düşmənin atəş nöqtələrini məhv edirdi.
Bu döyüşlərdə qəhrəmanlığı ilə dastan yazan General-leytenant Əfqan Nağıyev üçün bu gün özəl gündür. Bu gün generalımız 55 yaşını qeyd edir.
Əfqan Vəli oğlu Nağıyev 1 oktyabr 1966-cı ildə Cəlilabad rayonunda anadan olub.
O, bu sahədə polkovnik-leytenant rütbəsindən general-leytanant rütbəsinə qədər yüksəlib. Ə. Nağıyev 2004-cü ildə polkovnik-leytenant ikən Sərhəd Qoşunlarının yaradılmasının 85-ci ildönümü münasibətilə “Azərbaycan Bayrağı” ordeni ilə təltif olunub.
Əfqan Nağıyev növbəti dəfə 2008-ci ildə təltif edilib. Həmin vaxt polkovnik olan Nağıyev, Dövlət Sərhəd Xidməti əməkdaşlarının peşə bayramı günü münasibətilə “Hərbi xidmətlərə görə” medalı ilə təltif edilib.
Ə.Nağıyev 1 il sonra isə Dövlət Sərhəd Xidməti əməkdaşlarının peşə bayramı günü münasibətilə “Vətən uğrunda” medalı ilə təltif olunub.
2012-ci ildə Dövlət Sərhəd Xidmətinin Sahil Mühafizəsinin rəisi Əfqan Vəli oğlu Nağıyevə general-mayor rütbəsi verilib. O, 6 il sonra – 2018-ci ilin avqustunda general-leytenant hərbi rütbəsini alıb.
Azərbaycanın Cəbrayıl rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin Sərəncamı ilə Əfqan Vəli oğlu Nağıyev “Qarabağ” ordeni ilə, həmçinin “Cəbrayılın azad olunmasına görə” ,”Zəngilanın azad olunmasına görə” ,”Füzulinin azad olunmasına görə” medalları ilə təltif edilib.
General-leytenant Əfqan Nağıyevi doğum günü münasibətilə təbrik edirik.
