Türkiyənin TUSAS aerokosmik şirkəti ilə “Kazakhstan Engineering” şirkəti “ANKA” PUA-sının Qazaxıstan ərazisində birgə istehsalı barədə razılaşıb. Alp.az xəbər verir ki, tərəflər bununla bağlı niyyət protokolu imzalayıb.
Birgə istehsalla yanaşı, pilotsuz aparatların birgə yığılması və istehsal texnologiyalarının Qazaxıstana verilməsi də nəzərdə tutulub.
Qazaxıstan Türkiyədən kənarda “ANKA” kəşfiyyat-zərbə dronlarını istehsal edəcək ilk ölkə olacaq.
Daha əvvəl “Bayraktar” PUA-larının Ukraynada istehsalı ilə bağlı fəaliyyətlər barədə məlumatlar almışdıq.
