44 günlük Vətən Müharibəsi zamanı erməni ordusu tamamilə darmadağın edildi. Sentyabrın 27-dən başlayan savaşda erməni ordusunun hava hücumundan müdafiə qüvvələri tamamilə darmadağın edildi. Məhz həmin günlərdə Azərbaycan Müdafiə Nazirliyi ermənilərin Su-25 hücum təyyarəsinin məhv edildiyini açıqladı. Bundan bir gün sonra isə erməni ordusu Su-25 təyyarələrinin vurulduğunu etiraf etdi. Hərbi ekspert Ədalət Verdiyev erməni təyyarəsinin pilotları barədə sensasion faktları açıqlayıb:
“Keçən il oktyabrın 17-də və 18-də hava hücumundan müdafiə bölmələrimiz Ermənistan Hərbi Hava Qüvvələrinin Cəbrayıldakı mövqelərinə hava zərbələri endirmək istəyən Su-25 hücum təyyarələrini məhv etmişdi. Artsrun və Şuşan erməni ordusuna aid təyyarələrinin məhv olması faktını inkar etməklə yanaşı Azərbaycan tərəfini dezinformasiyada ittiham edirdi. 3 gün sonra isə Ermənistan prezidenti Armen Sarkisyan ölkənin Müdafiə Nazirliyinin bir sıra hərbçilərinin ordenlə təltif edilməsi haqqında fərman imzaladı. Vətənin müdafiəsinə və təhlükəsizliyinə verdiyi töhfələrə, döyüş əməliyyatları zamanı göstərilən cəsarətə və sədaqətə görə, N saylı hərbi hissənin komandiri, polkovnik Voskovski Vyaçeslav Valerieviç və N saylı hərbi hissənin komandir müavini, polkovnik -leytenant Tumanyan Vahagn Aramoviç ölümündən sonra I dərəcəli “Döyüş Xaçı” ordeni ilə təltif edildi. Təltif olunanların hər ikisi pilot idi. Polkovnik Voskovski Vyaçeslav Valerieviç isə rus müzdlusu idi.”
