image-ads_2000x150
image-46d3b2fb993fa0af41aab08512c836dabackend

“Ermənilər Qarabağı tərk edəcək,Rusiyanın orada qalması üçün hər hansı əsas yoxdur “-  Rusiyalı şərqşünasdan ŞOK AÇIQLAMA  

image-ads_728x90

“Rusiya sülhməramlıları 4 ildən sonra Qarabağı tərk etməli olacaq”. Belə bir maraqlı ehtimalı rusiyalı şərqşünas İqor Dmitriyev ermənipərəst “Regnum” nəşrinə müsahibəsinə deyib.

“Önümüzdəki 4 ildə hələ çox şey baş verə, vəziyyət ciddi şəkildə dəyişə bilər. Amma Rusiyanın orada qalması üçün hər hansı əsas yoxdur. Sadəcə, sülhməramlıların oraya yerləşdirilməsi ermənilər üçün Qarabağın itirilməsi prosesini daha az ağrılı edəcək. Qarşıdakı 4 ildə ermənilər Qarabağı tərk edəcək, etnik təmizləmə olmayacaq. Rus sülhməramlıları Qarabağdan ermənilərin təxliyəsini müşayiət edir, hansı təxliyə ki, tələsik xarakterli və elə də ağrılı deyil”, – deyə ekspert vurğulayıb.

Qəşəng proqnozdur. İnşallah, elə deyilən kimi də olar. Rusiya ilə də 2025-də hansısa çəkişməmiz yaşanmaz.

Əlbəttə ki, bir il öncə ordumuz rahatca Xankəndinə girib oranı da işğalçı-separatçı tör-töküntülərindən qısa zamanda təmizləyə bilərdi. Eləmədi. Əsas səbəbi yəqin ki, hamıya məlumdur – “etnik təmizlənmədə” suçlanmaq ehtimalı.

Özümüzə şəkkimiz getməsin. Ermənilərin keçmiş DQMV və onun ətrafındakı 7 rayonumuzda apardığı etnik təmizləməyə Qərb tərəfindən, Fransa, ABŞ və Rusiya timsalında “Minsk üçlüsü” tərəfindən 30 ildə bircə etiraz da səslənmədi. Sanki elə belə də olmalı imiş. İrəvana heç vaxt göz ağartmadılar. Ona görə ki, yurd yerlərindən qovulanlar xristian deyildilər.

Xristian dünyasının “ərköyün uşağı” erməni isə başqa. Elə təkcə Fransanın hələ müharibə gedə-gedə hansı hoqqalardan çıxdığını yada salmaq yetər. Az qala, uydurma “artsax”ı ikinci erməni “dövləti” kimi tanıyacaqdı…

Bir də ki, onların dərdi bizə qalmayıb. Erməniyə nə var. Qaraçı kimi şeydirlər. Dünyanın istənilən guşəsində öz evindəki kimi yaşamağı bacarırlar. Qarabağ olmasın, Kaliforniya olsun, Marsel olsun. Odur ki, “xoş getdiniz!” deməkdən savayı bizə bir iş qalmır. Və səbir eləmək. Allah axı səbirliləri sevər. Təcavüzkarları, zülmkarları, işğalçı-soyğunçuları isə – əsla! Gec-tez cazalarına çatdırar. Necə ki, həzin-həzin, ahəstə-ahəstə çatdırır.

Səbir edək və “qızıl saatımızı” gözləyək. Əgər erməni Qarabağda təhlükəsiz, qorxu-ürküsüz yaşamaq istəyirsə, rus hərbçilərinin orada əbədi qalmasına yox, Azərbaycan dövləti ilə anlaşmağa çalışmalıdır. Ayrı sivil yol yoxdur, olmayacaq. Ayrı yol – Laçın dəhlizinə aparır. Hərçənd o da daimi deyil.

İstənilən halda Azərbaycan hakimiyyəti mülki erməniləri orada zorla saxlayası deyil – Konstitusiyamızı qəbul eləsələr də, eləməsələr də. Çünki hər kəsin yaşadığı yeri könüllü tərk eləməsi də insan haqqıdır. Yəni, insanın sərbəst yerdəyişmə hüququ var. İstər müvəqqəti olsun, istərsə də daimi.

Bu xüsusda Xankəndi ermənilərinin düşünmək üçün uzağı 4 il vaxtları var. Təbii ki, Azərbaycan xalqına qarşı cinayət törətmiş separatçı kriminallar istisnadır. Onlara bizim möhlət vermək kimi lüksümüz yoxdur, ilk fürsətdəcə bu quldur-caniləri qandallayıb Bakıya gətirəcəyik.

O ki qaldı dinc əhaliyə, onlar üçün sülh, barışıq qapıları həmişə açıqdır. Yeri gəlmişkən, bir yaxşı xəbər də var. Xankəndindən olan deputat Tural Gəncəliyev deyib ki, artıq bəzi ermənilər Azərbaycan vətəndaşlığı almaq üçün ona müraciət eləməyə başlayıblar. Əminik, onların sayı qarşıdakı illərdə durmadan artacaq.

Ağıllı adam belə edər. Süngü ucunda, xarici hərbçilərin əhatəsində dinclik, əmin-amanlıq, rifah olmur. Ola bilməz. Enində-sonunda bu iki xalq Qarabağda yenə dinc-yanaşı yaşamalı olacaq. Bizim davamız sadə erməni xalqı ilə deyil, heç vaxt da olmayıb. Bizim davamız, “dəmir yumruğ”umuz erməni xalqını zaman-zaman Azərbaycana qarşı avantüralara sürükləyən, Türkə qarşı ədavəti sönməyə qoymayan radikal və faşist düşüncəli erməni ideoloqlara, liderlərə qarşı olub və olacaq. Sözsüz ki, erməni lobbisi də daxil…musavat.com

Loading...
image-ads_728x90

  • whatsapp
  • messenger
  • telegram
  • vkontakte
  • odnoklassniki