Xəbər verdiyimiz kimi erməni hərbi ekspert Mqer Akopyan müsahibəsi zamanı sərsəm fikirlər səsləndirib. O, deyib ki, müharibə hələ bitməyib, Ermənistan isə hərbi yox, siyasi məğlubiyyətə uğrayıb.
Moderator.az-a açıqlamasında politoloq Zərdüşt Əlizadə M.Akopyan kimi qeyri-ciddi adamların fikirlərinin heç bir əhəmiyyət kəsb etmədiyini bildirdi:
“Ermənilərin siyasi ekspertlərinin, mütəxəssislərinin, siyasi rəhbərlərinin fikirlərinə tamam qiymət vermirəm. Ermənistan heç kimdir, onun Rusiya kimi ağası var. Rusiya generallarının, siyasətçilərinin dediklərinə fikir verirəm. Ermənilər kimdir ki, axı onlara mən fikir verim”.
Politoloq Ermənistanın ehtiyatda olan hərbçilərini orduya cəlb edilməsi məsələsinə də toxunub:
“Qoy ehtiyatda olan hərbçilərini orduya cəlb etsinlər, lap yaxşı. Vətən müharibəsi zamanı da bütün veteranları, ehtiyatda olan hərbçilərini orduya cəlb etmişdi. Kadrlarda göstərirdilər ki, erməni hərbi hissələri tərkibinin təxminən altmış faizi saçı ağarmış, tökülmüş, məndən beşbetər qoca adamlar idi. Amma sonra nə oldu ki? Onların hərbi gücü, potenasialı sıfra bərabərdir. Odur ki, bütün bu məsələlərə çox soyuqqanlı yanaşmaq lazımdır. Onların həqiqi və siyasi vədi sıfırdır”.
