Ermənistanın televiziyası şok effekti yaradan sujet yayımlayıb. Alp.az xəbər verir ki, erməni televiziyasının iddiasına görə inanılmaz dərəcədə yüksək qiymətlərlə Ermənistanın tanınmış turizm şəhəri olan Aparana gələn əcnəbilər burada daşınmaz əmlak alır.
Kanal iddia edir ki, ev alanlar əsasən Azərbaycandan gələn turistlərdir. İddiaya görə İran vətəndaşı olan azərbaycanlılar bu günə qədər baha qiymətə çoxsaylı əmlak əldə ediblər. “8 ay ərzində azərbaycanlılar dəyərindən baha qiymətə 514 əmlak alıblar.”- deyə sujetdə qeyd edilir.
Ermənistanın ən gözəl turizm ərazisi sayılan Aparan yaşayış massivi İrəvandan 59 km şimal-qərbdə və Spitak dəmir yolu stansiyasından 42 km cənub-şərqdə yerləşir. İrəvan-Spitak magistral yolu Aparandan keçir.
Burada yerin təkindən çıxan su müalicəvi “Aparan” bulağı kimi də məşhurdur.
