“Rusiya Prezidenti tərəflərə deyir ki, pult onun əlindədir”.
Alp.az xəbər verir ki, bunu Ermənistanın Respublika Naminə Partiyasının sədri Arman Babacanyan Rusiya Prezidenti Vladimir Putinin Valday ekspert klubunda verdiyi bəyanata toxunarkən bildirib.
Onun sözlərinə görə, Rusiya qərəzsiz moderator kimi çıxış etmir və müharibədən bəri belə olmayıb.
“Məğlubiyyətdən sonra bizə əlavə güzəştlər barədə işarə etmək Ermənistanın hərbi-siyasi rəhbərliyinə ciddi düşünmək üçün fürsət verməlidir. Rusiya Ermənistanın maraqlarını nəzərdən keçirən mövqe tuta bilməz. Əlləri qatlayıb proseslərin Ermənistanın maraqları hesabına necə inkişaf etdiyini gözləmək lazım deyil”, – deyə Babacanyan qeyd edib.ordu.az
