Yanvarın 18-də Azərbaycan-Ermənistan sərhəddində erməni ordusunun MAXE-si (Müddətdən artıq xidmət edən hərbi qulluqçu) itkin düşüb.
Alp.az xəbər verir ki, bu barədə Ermənistanda nəşr olunan “Fakt” qəzeti məlumat yayıb.
Onun Azərbaycanla sərhəddə qulluq etdiyi, iki gün əvvəl isə müəmmalı şəkildə itkin düşdüyü məlum olub.
Erməni tərəfi iddia edir ki, sözügedən hərbçi hava şəraitinin pis olması səbəbindən azaraq Azərbaycan tərəfinə keçə bilər. Hətta bununla bağlı rus sülhməramlılarına məlumat veridliyi də deyilir. Lakin rəsmi Bakı bu barədə hər hansı bir açıqlama verməyib.
Ermənistan Müdafiə Nazirliyi isə bununla bağlı sualı cavablandırmaqdan imtina edib.
