“Rusiya sülhməramlılarının təkidi ilə Qarabağda olan erməni ordusu ləğv edilib. Artıq Erməni ordusuna əsgər qəbul edilmir və hərbi hissələrin ləğvetmə prosesi sona çatmaq üzrədir.”- bu iddianı “Hraparak” nəşri yayıb.
Ötən il noyabrın 10-da imzalanmış üçtərəfli bəyanatdan sonra Azərbaycan və Rusiyanın tələbi o idi ki, Qarabağdakı ermənilərdən ibarət qanunsuz “hərbi birləşmə” ləğv edilsin. Artıq ermənilər bu tələbi yerinə yetirməyə başlayır.
Alp.az xəbər verir ki, erməni nəşri ermənilərin təhlükəsizliyinin bundan sonra təminatçısı rolunda Rusiya sülhməramlıları olduğunu qeyd edib.
“Müharibədən 8 ay keçib, Qarabağda artıq ikinci tərxis baş tutur, lakin Ermənistandan komplektləşdirmə yoxdur.”, – deyə nəşr qeyd edib.
