Geostreteji maraqların kəsişdiyi bir mövqedə yerləşən ölkəmizin hüdudlarının etibarlı şəkildə qorunması vətən müdafiəçilərinin çiyninə ağır və məsuliyyətli yük qoyur. Bu şərəfli missiyada milli ruh və peşəkarlıq qədər vacib olan daha bir nüans var: Azərbaycan əsgəri vətəni qorumaq üçün mütləq müasir texniki vasitələrə sahiblənməli, xidməti işində çağın texnoloji yeniliklərini tətbiq etməlidir.
Modern texniki təchizatı prioritet istiqamətlərdən sayıb bu yöndə önəmli məsafə qət edən Silahlı Qüvvələrimizin etibar etdiyi şirkətlət sırasında ASELSANın xüsusi yeri var. ASELSANın quru qoşunları üçün nəzərdə tutduğu DRAGON EYE (əjdaha gözü) elektro-optik müşahidə sistemi hərbi qurumlara gecə və gündüz, istənilən hava şəraitində görüş imkanı yaradır. Hədəf koordinatlatrının yüksək dəqiqliklə təsbit olunmasına imkan verən sistem eyni zamanda fərqli əlaqə vasitələri ilə təsbit olunan koordinat məlumatlarının digər dəstək elementlərinə ötürülməsində önəmli rol oynayır. DRAGON EYE sərhəd nəzarəti, sahil güvənlik, kəşfiyyat, təhlükəsizlik qurumlarının ehtiyaclarını qarşılamaq üçün rəqabətə davamlı sistemdir.
ASELSAN şirkətinin çeşidli mofikasiyalarda elektro-optik kəşfiyyat və müşahidə sistemləri mövcuddur və bunların bir çoxu Azərbaycanın milli müdafiə sisteminin inventarları siyahısına daxil olub. DRAGON EYEdən xüsusi olaraq söz salmağımızın səbəbi həm də bu sistemin 44 günlük Qarabağ Savaşında sınaqdan üzüağ çıxmasına görədir. Savaşdan öncə, savaş anında və ondan sonrakı aylarda düşmənin təmas boyu hərəkətliliyinin izlənməsində, hədəflərin aşkar edilməsində və işarələnməsində bu sistem uğurla tətbiq olunmuşdur.
DRAGON EYE sistemi özündə termal kamera, lazer məsafə ölçən, gündüz kamerası, GPS qəbuledici, rəqəmsal kompası birləşdirir.
Türk mifologiyasında əjdaha güclə bərabər həm də müdrikliklə assosiasiya olunur. Alternativ sistemlər içindən müdrik düşüncənin seçimi olan GRAGON EYE Azərbaycan əsgərinin düşməni daha etibarlı və təhlükəsiz şəkildə nəzarətdə saxlamağa imkan verir. Cəngavər ruhlu personalla, yüksək dəqiqlikli silahlar və bu kimi texnoloji innovasiyalarla silahlanmış bir “əjdaha”nı bir daha narahat etmək düşmənin son nəfəsi ola bilər. Bunu qarşı tərəf də anlayır.
Anar Şuşalı
Hərbi jurnalist
