Ukrayna ordusu Donetsk vilayətinin Svetlodarsk rayonu yaxınlığında Rusiyanın “Su-25” hücum təyyarəsini vurub. “Wagner”in pilotu əsir götürülüb.
Alp.az xəbər verir ki, bu barədə ukraynalı jurnalist Yuri Butusov məlumat verib.
Onun sözlərinə görə, Rusiya hücum təyyarəsi Qara kazaklar adına 72-ci xüsusi mexanikləşdirilmiş briqadanın əsgərlərinin “kubokudur”. O, iyunun 18-də “İqla” portativ zenit-raket kompleksindən atışla yerə endirilib.
Ukraynalı müdafiəçilər rusiyalı pilot Andrey Fedorçukovu ələ keçirə biliblər. Dindirmə zamanı o, “Wagner” şəxsi hərbi şirkətinin muzdlusu olduğunu etiraf edib.
