“Sünik bölgəsində (tarixi adı Zəngəzur -red) yerləşən Şurnux kəndi Azərbaycanın ərazisidir”-bu fikirlər erməni hüquqşünas , keçmiş ədliyyə naziri Gevorq Danielyan aiddir. Alp.az xəbər verir ki, Danielyan bildirib ki, 2010-cu ildə Şurnuxa aid olan inzibati-ərazi bölgüsü haqqında qanun 2016-cı ildə qüvvəsini itirib.
Danielyan qeyd edib ki, SSRİ Silahlı Qüvvələrinin Baş Qərargahının 1942-ci il tarixli xəritəsinə görə Şurnux Azərbaycan ərazisidir. Danielyan Paşinyan hökumətini tənqid edərək belə deyib:”2016-cı ildən bu günə qədər qanunda dəyişiklik edilməyib.Paşinyan hökuməti xalqı aldatmaqla məşğul olub. Bu ərazilər Ermənistan SSR-in keçmiş sərhədlərindən kənarda, Azərbaycanın Zəngilan bölgəsi ərazisinə düşdüyü üçün biz onu geri qaytara bilməyəcəyik.”
