“Ermənistan və Gürcüstan arasında tərəfdaşlıq və mehriban qonşuluq münasibətləri var, lakin bu qış bizim üçün çox çətin olacaq” -Alp.az xəbər verir ki, bunu erməni ekspert Conni Melikyan bildirib.
“44 günlük müharibəni, koronavirus epidemiyasını və regionda bir sıra dəyişiklikləri nəzərə alsaq, Ermənistan-Gürcüstan münasibətləri haqqında danışmaq çətindir. Lakin baş nazirin Gürcüstana səfəri ilə paralel olaraq hökumətlərarası komissiyanın iclasının da baş tutması çox vacibdir. Deyə bilərik ki, bu, Ermənistan-Gürcüstan münasibətlərinin ilinin institusional ümumiləşdirilməsidir. Fikrimcə, görüş zamanı yeni təkliflər olacaq”, – deyə Coni Melikyan bildirib.
Ekspert xatırladıb ki, artıq ikitərəfli ticarətin həcminin 1 milyard dollara çatdırılmalı olduğu açıqlanıb.
“Bu az deyil, çox da deyil və bu istəyi həyata keçirmək üçün kifayət qədər iş lazımdır. Ermənistan və Gürcüstan üçün regionda sülh və sabitliyin olması vacibdir: axı bu, iqtisadiyyatların inkişafı, tərəflərin birgə proqramları üçün çox vacibdir. Qışda bu dağ yolları bağlanır. Bu yolların bağlanmaması üçn işlər görülməlidir. Amma bu yollar indidən bağlanıb. Yaya qədər Gürcüstan yolu bağlansa Ermənistan batacaq. Təcili hökumət komnukasiya xətlərində olan problemləri aradan qaldırmalıdır. Əks halda Ermənistan aclıqla üz-üzə qalacaq.Ermənistan çətin sınaqdan çıxa bilməyəcək”, – deyə ekspert bildirib .
